KBC A Makam Hkyidun ( Heb 4;14) daw -1

Ga nhpaw                                                                                                                                            Nawku hpung law law nga ai .Dai hta Hkalup makam rai nga ai hka hta nan tsung nna hkalup hkam ai lam hpe Hkristu Yesu a aten kaw na nan galaw wa sai .(Hkalup nHpung ngu na n nga ai rai tim , Hkalup hkam ai lam galaw lai wa sai .Mahte 3:6, 13-17) Myen mung hta shara kaba Yudathan gaw Hkalup Sasana hku du wa sai ( 1813) .Jinghpaw Wunpawng sha ni kaw mung Hkalup Sasana sara Albert J Lyon.Sara William H.Roberts, Sara Dr.)la Hanson ni du wa sai (1877) .Ndai Sasana sara kaba ni galaw ai bung li kaba gaw Cyum laika gale ai lam re .Daini Hkalup Sasana hku du wa ai Sara ni galaw da ai chyum laika hpe Nawku hpung shagu lang nga ga ai .Myen mungdan hte Jinghpaw Wunpawng sha ni a matu Hkalup Hpung tasi lu ai gaw ,chyeju sali wunli lu ai lam rai nga ai .Makam (faith) hte galaw sa ai lai (Order) ngu ai hpe chye na ra ai .Nawku hpung kade law tim makam gaw maren sha rai ra na re .(Ephesu 4:5) .Raitim hkan sa ai lai ,galaw ai ladat ni gaw nbung na re . Amyu ,htunghking ginra ,shai mat ai .Raitim makam shai yang gaw Hkristan hpung ngu na pyi nmai shamying nga ai .
 Hkalip Makam Masham                                                                                                                          Hkalup makam hpe lam 5 hku nna ginchyum hkapla da ai hpe mu lu ai .

1. Chyoi pra ai Chyum laika gaw,nchut n shai ai , chyahtum chyalai atsam rawng ai Karai Kasang a matsun mungga re. (Esaia 8:20 ll Ti 2:16-17; Heb 4:12; 1 Pet 1:20-21 )      2.Kamsham nna hkalup hkam ai hpe sha hkapla ai ( Kasa 2:37-38,8:12 ,16-19 ,16:15,18:8; Mahte 3:16.Mt 28:19; Mk 1:9; Yh 1:31; Roma 6:4).        
   

   3. Kam sham ai ni yawng hkinjaw re .( Luk 23:45; Kasa 2:2-18, 18:25-26; Rom 12:4-6; 1KOr 11:5_12, 12:6; Eph 4:4-5; Galati 3:16-19, 1 Pet 2:9, 4:11; Heb 4:14; Shr 5:10, 20:6) .                            
   

   4. Buga hpung hta awmdawm ahkaw ahkang nga ai . (Mt 16;18; Kasa 2:44-47; Rom 12:1-12; 1 Kor 1:12; Eph 1:23,4:4-5,11-13,5:26; Koiose 1:18, 1Pet 3:21).      
   

   5. Nawku hpung woi lam hta mung uphkang lam kaga ga re . (Mt22:20-21, 28:18; Rom 13:7) 
   

   Jinghpaw Wunpawng Hkalup Hpung a makam hkridun     
   

               Jinghpaw Wunpawng hkalup hpung gaw kamsham ai Jinghpaw Wunpawng amyu sha ni hta gaw da ai Ginjaw re . ေဒသႏၱရအဖြဲ ့ခ်ဳပ္ nre. လူမ်ိဳးစုအဖြဲ့ခ်ဳပ္ re hpe chye ra ai .Dai majaw Jinghpaw Wunpawng sha ni a makam masham kungkyang wa na lam hta lit nga ai zawn ,amyu sha lam mayan laili laika htung hking ni hta mung lit nga ai hpe moi na ningbaw ningla ni grai myit hkawn let gaw de da ya sai . 
   

           Daini  anhte gaw jiwoi jiwa ni gawde da ai makam hkringhtawng hta bai gaw de da sai hkringhtawng hpe mani mana sha myit lu nna gaw de sa wa ai nawku hpung hte n-galai kau ga>Hkalup hkringhtawng hpe makawp maga nna sasana galaw na anhte yawng a lit rai nga ai .Hkalup makam masham gaw wanglu wanglang nga ai hpe sharawng ai jinghpaw wunpawng sha ni a matu manu htaphkuk dik makam hkringhtawng re .
   (JHZ Amu Madu Hkalam Samson lanam chyum sharin hpaw hta  tang madun ai laika re. Naw ngam nga ai laika yan hpe hpang na lang bai matut na ga ai .Chyejukaba sai)