Saturday, November 17, 2012

Jinghpaw Wunpawng Myu Sha Ni Ningdun Manga Bum Manga Garan Ai Lam

                Chyai Hka hku kaw nna ningtung garan ai dumsa ga,
(1) Marip Gam Rum ja                    -Shangai ningdun bum kaw nga .
(2) Lahtaw Naw Lawn                    -Magrung Bum Yau , Ngaw Bum shadung ga pa .
(3) Lahpai Dai Na La                      -Hpai Htung mata pa .
(4) Matsaw Wa Nhkum                  -Ningran hkra tsaw nga .
(5) Maran Wa King Nang               -Singgung ga nai pra .
                Shangai ningtun bum kaw na law htam chyam gra wa ai .
1. Marip Gam Rum Ja                     8. Maji Mala
2. Marip Hka Shu Hka Sha             9. Myitung Hpau La
3. Kareng Tingmai sha                     10.Nlam Wa na
4. Vhyasen                                      11.Zahkung Ginraw, U jik taw law
5. Nding nang pen tingsa                  12.Tangbau Tang La
6. Udi Chyang maja
7. Htau Dingga
                 Ndai gaw , shapawng yawng wa a kasha ni ginru ginsa hpung (7) myu ga hpan (7) shangai ndung bum kaw na wa hkyet mying shamying shadip jahpang garan ai shaloi yawng gaw Wa Hkyet hte madai kaw daju rai nga ai .
                                        Wa Hkyet mying ni a lam
1. Chyanun yan Woi shun shangai da ai . Mashang Wa hkum kaw na hprat pru wa ai ,shinggyim mashang wa hkret shinggyim tai hpang wa sai .
2. Shapawng Yaw hte Mali Kaw Hpang yan a kasha Matsaw Hpung Nu kaba wa sai hpang Wa lai hkyet mare de ai majaw wa lai hkyet hpang gam ninggawn du shawa nang ,shingtung kabang ngu ai nga ai .
3. Lamu ga hkyet wa lai lai re ai shara kaw nta gap ai majaw wa hkyet ngu ai hkyet singgawng magam, shingtung Kai Bam ngu ai nga ai .
4. Share jaubu wang bunghku hkret ai wa hkret jau gawng magam num mang shi num hkumlang shi hkum ai , ngu ai nga ai .
5. Wa hkyi hkyet kaw nta gap ai majaw , wa wa hkret singgawng gai lung , gai lawng ngu nga ai .
6. Dai ni du hkra magrau grang atsam rawng ai ni hpe shaga ai ga,
(a) Wa hkret magam                         (d) U sa du
(b) Wa ngan salang                           (e) Wa la du
(c) Wa sa salang                               (f) Gwi la du ngu shakawng shagrau mying jaw ai dai ni du hkra jai lang ai gwi la ni shat jat ga, nga jang atsam dat na ni gaw , shat law law sha ga magwi gwi la zawn atsam rawng ra ai ngu ai , wa la du nga jang wa hkyem wa la zawn lawan ai kung kyang ai ngu ai . U sa du nga jang grau chye hkum ai masha ngu ai . Wa sa du nga jang lam shagu chye chyang sai masha ngu ai . Wa ngan salang nga jang ram daw chye chyang kung kyang sai ngau ai ga. Wa hkret nga jang kaji marum ngu ai hte magrau grang nna mungdan de hpang ai wa , ngu lachyu re .


  ( by: Jinghpaw Wunpawng Htunghkring Hte Maumwi Mausa Shachyen Shaga Laika Buk )

Wednesday, November 14, 2012

Tinang A Tsaw Ra Nja Hpe Ntsun Ging Ai Ga Hkum (10)


(1) " Tsaw ra na shangai nhtoi gaw galoi rai sata ? Tsaw malap kau na le."
         Shangai nhtoi sha nrai , sumtsaw sumra bying hpang ai nhtoi shani ni hpe mung lama malap kau tim bai nmai san nga ai .Num sha ni gaw ndai nhtoi ni hpe shi a tsaw ra wa hpe galoi mung dum matsing nga shangun mayu ai re .

(2) "Tsaw ra nang ndai palawng hpun yang grai hpum ai zawn san ai le." 
        Tingnang a sumtsaw hpe hpum ai ngu ma shadu du grai lasi la ai ngu ma nawn nawn hkum tsun shale u . Num sha ni gaw hpung ai ngu na tsun katut ai hpe nra sharawng ai zawn grai lasi ai ngu tsun katut ai hpe mung nkam madat ma ai .

(3) "Mani sha brang na manang tsun ai , tsaw ra hpe brang na kana shawng shadu ai da ."
        Ndai ga hpe kachyi pa hkum tsun shale hkrup yaw.Kana shawng shadu ai nga jang gaw tinang a tsawra hta grau asak kaba ai zawn ngu masha ni shadu na hpe gaya ma ai .Dai hku nga yang kanau shadu ai ngu ma mai tsun na i ngu yang hkum sa san sumtsaw she nga yang me kanau kana ngu nkam shadu katut ma ai .

(4) "Rai sai law tsaw ra nang chya na na mung nre me ."
       Ndai hku ngu tsun dat yang tinang a sumtsaw hpe roi ai hte bung mat nga ai .Chye na na nre law ngu tsun ai gaw tinang a sumtsaw she tinang ram hpaji nchye ai majaw ntsat ai ngu tsun mayu ai i ? Shing nrai tinang sumtsaw gaw shawang myit nlu kaba ai majaw tsun ai i ? ndai hku hpan 2 nga ai yaw. Hpan 2 yen a lachyum hkra ai lam gaw nhkrak ai majaw hkum tsun shale hkrup yaw .

(5) " Hpa nre law ." 
        Ndai ga si hpe nau nlang yang kaja na re .Tinang a tsaw ra gaw tinang hkam sha taw ai hpe ,tinang a myit sawn ai lam , tinang hte seng ai yawng hpe chye mayu nga ai . Garan hkam sha lawm mayu nga ai .Tinang gaw hpa nre law ngu tsun dat jang shan hte gaw shi hpe lama ma makoi magap da ai ,shing nrai shi gaw na matu hpa n,ahkyak ai majaw shi hpe n,kam chye shangun ai re ngu sawn la mat chye nga ai .Byin mai ai daram ndai ga si hpe nlang ga yaw.

(6) " Ayen na nau hkrum hkrap ja yu u , tsaw ra gaw grai shagri nya ai le ." 
       Num sha ngu gaw myiprwi rawng nga ai .Laknak ngai hku miprwi hpe jai lang ai nre . (laknak hku nan jai lang ai num sha ni a matu gaw laknak le i) Kaja nan hkam sha nga ai majaw sharang nngut na miprwi hkrat   ai she re .Num sha ni mung tinang a sumtsaw shawng kaw gaw nkam hkrap na re .Dai hku na shagri grai nya ai num ngu shadu katut na hpe mung grai hkrit ma ai .

(7) " Tsaw ra na manang jan dai ni grai tsawm taw ai i ." 
        Manang ma rai rai , kanau mi rai rai , gara num kasha hpe mung tsawm ai yu hkrak ai ngu tinang a tsaw ra shawng hta kachyi mi mung hkum tsun hkrup yaw. Tinang a myi kata hta tinang a tsaw ra ram kaga kadai num kasha mung ntsawm ai ngu tinang a tsaw ra shadu u ga . Shi shadu hkra mung galaw shakut u .

(8) " Tsaw ra mi man kaw krwi ja kasha (၀က္ၿခံ) grai kaba wa ai le ." 
        Num kasha ni gaw tinang sumtsaw a shawng hta galoi mung tsawm nga mayu ma ai .Dai majaw krwi ja kasha (၀က္ၿခံ) hpe madi tsun ai gaw shi a ana nsam hpe madi tsun ai zawn grai gaya mat chye nga ai .

(9) " Brang gaw brang a nu hpe tsaw ra dik re ." 
        Tinang a sumtsawm gaw mung kan ntsa hta kadai hpe tsaw ra dik rai ngu san wa jang ndai mahtai hpe ntsun hkrup u ga yaw ,(Kanu hpe grai tsaw ra ai shadang sha ni hpe tsun mayu ai ) Num kasha ni gaw shanhte sha tinang sumtsaw a tsaw ra dik ai masha byin mayu ma ai . Num sha maga na "Tsaw  gaw mungkan ntsa tsaw a a wa hpe tsaw ra dik re " ngu tsun yang nang gara hku hkam sha na rai ? (Kanu Kawa hpe kade ram ma tsaw ra tim sumtsaw lapran hta ntsun shalawm ga ) 

(10) Hpang jahtum hku na gaw tinang a sumtsaw dingsa a mying hpe galoi ten ma rai rai ,hpa lam a majaw mung tsun shale n,hkrup hkra sadi u ,nrai yang na tsaw ra nja gaw pawt mat na ra ai .Dai gaw shi kachyi pa nkam na ai mying rai nga ai . 

""MANAW MANANG NI YAWNG TINANG A TSAW NRA NJA NI HTE GALOI MUNG NGWI NGWI PYAW SHA RAI NGA U GA YAW ""
Shatapru Star...by;ldfashioncatalogue