Showing posts with label shatapru nsen. Show all posts
Showing posts with label shatapru nsen. Show all posts
Saturday, October 27, 2012
Wednesday, September 19, 2012
Buga arawng shapraw ya sai -SHATAPRU
2012 ,Shatapru buga hpung nawku htingnu kata galaw ai Myitkyina ginwang madang violin ( dawraw ) shingjawng poi hta asak 8-10 ning lapran hta Shayi DagawngJa San Mai ( NO.1 ) hte Shayi Marip Seng Nu Awng ( NO.2 ),asak 10 -12 ning lapran hta Shadang Marip Zau Myu Awng ( NO.2 ), asak 12-14 ning lapran hta Shayi Mary Mun Ja ( NO.1 ) ,asak 14-16 ning lapran hta Shayi Chyinghtawng Lum Tse ( NO.1 ) hte Shadang Maran Zau Naw Ring ( NO.2 ) kumhpa ni hpe hkam la lu sai lam chye lu ai . (STU BUGA NSEB -7)
MEDIA SHARIN HPAWNG - SHATAPRU
Shatapru Buga hpung a media komiti ni woiawn let No.(1) lang na media sharin bawngban hpawng hpe gawk nu shara kaw galaw la lu sai . Shang lawm masha marai ( 52 ) hte Rev.Lama Yaw (KBC media hpa-awn ) gaw " news and media " ,Shy.Maran Seng Mai ( Myanmar times) gaw "Shiga ka ladat " lam ni sharin ya ai hpe hkam la lu sao . (STU BUGA NSEN-7)
HPYEN YEN DABANG HPAW AI LANING MI JAN SAI -SHATAPRU
Buga hpung kongsi kaw nna kanu kawa ni hte hpung masha yawng myit hkrum daw dan let ,( june,24,2011 ) ya shani "Hpyen yen karum kahtau komiti "hpe hpoaw ning htan hpang da sai re . August,13,2011 ya shani gaw dabang hpaw hpang let jamjau hkrum nga ai hpunau ni hpe daini du hkra karum la nga ai .Dabang nnan hpaw hpang ai hte marai - 586 , hting gaw - 144 rai ma ai .August ,13, 2012 dai ni laning mi jan wa sai ten hta marai - 461 , htinggaw - 112 naw shanu nga ai . Dai hta ECCD jawng ma marai - 30 ,lawu tsang jawng ma marai - 88 , lapran tsang jawng ma marai - 49 lahta tsang jawng ma marai 18 hte dakkasu jawng ma marai - 4 ni a hpaji lam hpe mung buga kata na apnawng shayi/shadang marai -25 gaw shana laika hti woi ai lam hku nna lit la karum ya nga ai . Hkamaja lam , shimlam , kaga ra mara ni hpe mung lit la nga ai lam mu lu ai .Alu jaw ya ai lam gaw KBC, MKBA,NGOs ,Jinghpaw mungdaw asuya ,Pyi htawng su Asuya hte kaga wuhpung wuhpawng shagu na sha n-ga, langai hkrai hku nna mung garum la nga ai .Buga hpung masha ni hku nna gaw ra mara mahkra a matu aten tup a-bun dat lakawn nga ga ai . Matut nna mung myit n yaw kau ai sha , jamjau nga ai hpunau ni hpe myit dum let karum dingyang naw rai ra nga ai . (STU BUGA NSEN-7)
(50) ning hpring Ja Jubeli alu tam masing -shatapru
Shatapru buga hpung de ai ( 50 ) ning hpring Ja jubeli alu tam komiti zup hpawng hpe Slg.Myithtoi Zau Lat (hpa-awn) hte Srn.Hkyet Pa Nu ( Ningtau hpa-awn) yan woi awn let komiti malawm ni yawng hte bawngban zuphpawng galaw nna tatut galaw na bungli masing ni gran jahkrat let galaw magang nga sai lam chye lu ga ai . (STU BUGA NSEN -7)
Hpaji shalat sasana -shatapru
Buga hpung a hpaji shalat komiti ni woi awn let hpaji shalat sasana hpe Shatapru buga hpung nawku jawng wang kata tsang ( 10 ) hpaji shalat ginra hta shakut shaja nga ga ai . Karai Kasang a chyeju majaw , ning nan hpaw hpang ai 2008 ning kaw nna, dai ning 2012 hta gaw ( 5 ) ning de du shang nga sai . Tsang ( 10 ) awng la lu sai jawng ma ni mung tsa lam rai sai Awng dang ai madang mung laning hte laning madang tsaw wa sai .Dai majaw anhte Shatapru buga sha nrai ,Ubyit buga , Shwezet, Nawng Nang ,Dap Kawng ,Njang Dung ,Nawng Hkying, Njang kawng ,Man maw ,Sumpra Bum kaw nna jawng ma ni du hkra sa sharin hkam la ma ai. (2011-2012) hpaji ladaw hta jawng ma marai ( 74 ) htai ai kaw na marai ( 41 ) awng la lu sai hta n-ga, economics distinction marai ( 6 ) awng la lu sai . Buga hpung kaw nna mung ( 19.6.2012 ) shani shagrau shaa ai lamang galaw ya lu sai.Matut nna dai ning ( 2012-2013 )hpaji ladaw hta jawng ma (140 ) hpe mying jahpan hkapla ,(20.6.2012) shani Karai Kasang kaw kyu hpyi ap nawng hpawng galaw la let sharin ten hpe hpaw hpang wa sai .Sharin ya ai sara/num ni yawng marai ( 30 ) ,guide galaw ya ai ap nawng kanau kasha ni marai ( 14 ) ,hte aten hpring yu reng marai (2) ni gaw jahpawt 6:00 am kaw nna shana 4:00 pm du hkra atsam dat let shakut shaja nga ga ai .Nu ma hpung masha ni yawng mung matut nna ndai tsang ( 10 ) hpaji shalat ai buga hpung a sasana magam bungli hta e tinang dang di lu ai lam hku nna shang lawm karum shakut shaja sa wa ga law .. (STU BUGA NSEN -7)
Friday, June 29, 2012
SHATAPRU GAWDIN HPUNG NI PADANG DIP
Lanam ta hta htawng ai MYITKYINA ginwang lawk hte lawk gawdin htawng shing jawng ai hta dai na de gaw hpang jahtum ninggamSHATAPRU hte NJANG KAWNG buga ni NO.1 kashun gawdin htawng shing jawng wa sai re .Anhte SHATAPRU ni gaw NJANG KAWNG ni hpe 2-1 hte awng dang la lu sai lam , dai ning na ginwang gawdin htawng hpung ninghkring kumhpa hpe anhte SHATAPRU ni lu madu la saga ai lam manaw manang ni mung kabu lawm u ga ngu shana dat nngai law ..
Monday, June 25, 2012
Pyaw Let Rau Sha ,Cycle Sin Ap Nawng Shiga
Shatapru Buga , Hpung lawk (2) kawa la ni hte ramma shadang sha ni hpe chyeju dum mayu ai lam 2010 ning kaw na 2012 ning May shata du hkra lagaw leng , cycle sin ai magam bungli hta shawang tsawra myit kaba hte madat mara let kang kang ka ka shang tsap lit la madi shadaw lawm ai kawa la ni hte ramma shadang sha ni yawng hpe tsun ndang hkra chyeju dum mayu ai law . Matut nna , kanang ka ai hte ap nawng mayu ai myit masin hte nawku hpawng ni hta shang lawm na hpe kam kaba let kahtap shatsam dat nngai . (Lawk 2 , La Hpa-awn )
SHATAPRU HTA HKA KABA WA AI LAM NNGA SHI
(25.6.2012)Ndai gaw shatapru lawk (1) hkau na pa de du hkra hka kaba shang wa ai re .Raitim Shatapru a matu tsang ra ai lam gaw garai nngai shi ga ai .Shatapru Buga masha ni gaw mana tup nyup ai sha maja let nga ma ai rai tim hka gaw grau kaba jat wa ai lam nnga ai sha mani na daram sha nan nan naw rai nga ga ai .
Ramma Dap Nsen (Shatapru)
Karai Kasang a chyeju hte Ramma Dap ni kaw nna shaning tup na mahkyen hte maren chye lu na matu journal hti ginra mung galaw da ga ai . Ramma ni hpe hti shangun mayu ai laika buk ni , journal ni hpe Ramma Komiti hte matut mahkai nna alu jaw ya mai ga ai . Dai ni na Ramma ni, du na ten hta kaning re ai ni rai na ngu ai gaw Nu Wa ni a pawn ga ai lam hta she madung ai re majaw Ramma ni galaw ai lam shagu hpe hpaji haw , n-gun jaw pawn ba la ga ngu ga saw lajin dat ga ai law lamang ni hpe langai hpang langai galaw nga ga ai . Ramma ni a matu hkum hkrang hkamja set let ai Ramma tai lu na matu (3 in 1 Play Ground )ngu ai ginsup pa kaba hpe galaw nga ding yang rai ga ai . Wenyi lam rai nga ai Karai amungga hte sak hkrung ai Ramma ni byin tai wa na matu mung Ramma Sunday school sharin ai lam , Chyum laika hpe dai ni na byin nga ai masa ni hte Ramma ni a matu mahtai tam ai hku nna hti hkaja ai lam hpe galaw nga ga ai . Dai ni hpa byin nga ai hpe ( Sara Ndawng Seng Du Ramma & Computer Lit hkam )
Hkritstan Hpaji Dap Shiga (shatapru)
Karai Kasang a chyeju hte Hkristu a hkum hkrang rai nga ai Shatapru Buga hkalup hpung a Hkristan Hpaji Dap a magam bungli ni hpe lawu de na hte maren Komiti malawm ni yawng myit hkrum let jawm galaw la lu saga ai . 2012 ning,ginhtawng ten hta junior sharin Hpawng hpe Feb,27-Marsh 3 du hkra Nawku jawng Kaba hte Hpung lawk (6) shara hta galaw la lu sai. Jinghpaw laili laika sharin ya ai lam hpe March 11-April 21 ya du hkra lawk shagu hta sharin ya lu sai .Junior Hogh Camp (dabang ) hpe April 17-29 ya du hkra (bat 2 ) tup Buga hpung Nawku jawng wang kata galaw la lu sai .English Grammar sharin ya ai lam hpe Maech -May shata du hkra shaning shagu dingyang galaw nga ga ai . Hpung jawng Sara tai sharin hpawng hpe May (14-19) du hkra galaw la lu sai . Matut nna mung galaw ra ai magam bungli ni law law wa nga ga ai majaw Buga hpung masha Nu Wa yawng kabu gara matut shang lawm ga ngu Hkristu a magam hta saw lajin dat ga ai law ...... (Sara Tingba Gum Ja Hkristan Hpaji Dap Hpa-awn )
Bawngring komiti shamu shamawt lamang ni (shatapru)
Nta tsi chya hpaji sharin ya nga yang (12.4.2012)
Payan hpaji sharin ya nga yang (23.5.2012)
Myiman mawn sumli hpaji sharin ya nga yang (21.5.2012)
Payan hpaji sharin ya nga yang (23.5.2012)
Myiman mawn sumli hpaji sharin ya nga yang (21.5.2012)
SHATAPRU NI A MIWA GA HPUN DU SASANA
Lai sai , (3) ning hta galaw nga ai , Buga Hpung a Sasana magam bungli hpe dai ning 2012 ning kaw nna gaw ladat ningnan hte matut galaw nga ga ai . Shata masum hta Mugun langai sa nga nna woi awn na matu rai sai .No.(1) lang hku nna Rev.Jangmaw Bawk Mai , sa du nga amu gun hpai nna bai du wa sai re .Anhte hpung masha ni mung alu ja gumhpraw jaw bang ai hku sha n-ga, akyu hpyi karum ,ta tut shang lawm shakut shaja sa wa ga law ....
SHATAPRU A NGUN ATSAM
Dai ni anhte Buga Hpung kata yawn hkyen ai masha ni hpe manu shabrai nla ai sha tsawra myit san san hte htaw wa htaw sa ai lam a matu,kamhpa ging ai kahpu kawa ni woi awn let , shakut shaja karum hpang ai hpe chye lu ga ai . Ja gumhpraw, ngun atsam , aten ahkying ap nawng let shang tsap shakut nga ai kahpu kawa ni hpe yu nna grai ngun yu lu nngai. Ndai magam bungli hpe tut grin na matu akyu hpyi karum nga ga law . (shatapru)
Sunday, June 24, 2012
STAR GIRL & STAR BOY

Saturday, June 23, 2012
SHATAPRU BUGA A MATU SHATAPRU STAR BLOG HPAW HPANG SAI.
Anhte shatapru buga a matu jut shara mi kaw na akyu jaw lu na yaw shada le karai kasang a shaman chyeju marang e hpaw hpang dat sai law . shatapru buga masha ni ngun jaw la myit ,shatapru hte seng ai shiga ni hpe shada garan kachyan hkat wa ga ngu gabu aw law let ndai blog hpe shachyen dat sai law .
Subscribe to:
Posts (Atom)







