Tuesday, June 26, 2012

SHATAPRU DU YANG NET LANG GA : )

shatapru lawk 4 dakkasu jawng lam makau  na net cafe rai ga ai .manawng manang ni sa chyai marit...... hkaptau la ga ai ...... : )

Monday, June 25, 2012

FACEBOOK FUNNY

Puba ai ten hta ndai sum la hpe yu na mani shabran la lu u ga  : )

STAR GIRL (hkahku seng pan shatapru )

Ndai shayi sha a mying gaw Hkahku Seng Pan rai na Shatapru lawk (5) kaw nga ai re.Ya yang gaw Yangon sunchoung kaw shanu nga let shinggan hparat ni hpe sharin hkam la nga ai re. Ndai shayi sha hpe matut mahkai mayu yang gaw sengpan.hkahku@gmail.com de matut mahkai mai ga ai law..Nhkrum ai na mat sai manaw manang ni mu hkrup mu ga ngu yaw shada let . Anhte shatapru bu ni gaw gara ga de ma du mat mat shada tut nawng hku hkau nga na matu ndai gawk hpe hpaw da ai rai ga ai ngam nga ai shatapru manaw manang ni mung ndai blog kaw ti  .nang a sum la hte bung li galaw nga ai shara ni mung shalawm ya let sa ya marit ngu saw lajin dat nngai law ..chye ju kaba sai .

FACEBOOK KAW NA FILE NI SA AI LADAT


Mung masa shiga chyu hkan taw di Computer hte seng ai lam n ka ai mung na mat sai. N ka ai na yang lagawn wa di bai n kam matut ka mat na tsang ai majaw n dai langai mi bai ka mara dat n ngai. Ya ten yawng a matu akyu rawng ai rai na re ngu myit ai majaw n dai hpe mara dat ai re.
Laga lak lak lai lai mi gaw n re, ya ten yawng lang nga ai Facebook kaw na file hpe sa ai ladat re. Facebook kaw na file, mahkawn ni hpe aloi sha hte mai sa ai hpe mu mada ai. Yawng ra sharawng na re ngu myit mada ai. N dai hpe chye ai ni mung gaw nga na sai, tim rai n chye shi ai manaw manang ni a matu rai u ga.
Shawng nnan, https://apps.facebook.com/filefly/ n dai hpe hpaw dat u. ( tinang a Facebook account hpe hpaw da na gaw hkum malap yaw)

Ngut yang lahta na sumla kaw mu ai USE FILEFLY nga ai hpe dip dat u.

Dai ngut jang Allow kaw bai dip dat u.

New Folder nga kaw bai dip kau dat u yaw.

Ngut jang lahta a sumla kaw Add Files nga mu na ra ai, dai kaw dip nna tinang mara mayu ai File/ mahkawn ni hpe tinang a computer na mai lata mara sai. File hpe upload galaw ngut yang Invite Friends nga kaw dip dat yang lamu na sumla na hte maren pru wa na ra ai. Dai shaloi tinang sa mayu ai manang ni hpe lata la nna, ngut yang Send Repuests nga kaw dip dat u. Madu sa dat ai wa sha dai File hpe mai hpaw hti, mai download galaw la ai hku re.


Hpang de tinang ra ai hku bai Manage galaw la mai ai.
Wunpawng Sha ni yawng awng dang ai lam lu la u ga.                                                    (jinghpawkasa kawn )

FACEBOOK HPE G-TALK ZAWN CHAT GA


N dai kalang mung Facebook hte seng ai lam hpe sha bai tsun dan na n ngai yaw. Laga gaw nre Chatting grai sharawng ai ramma manaw manang ni a matu yaw shada ai re. Facebook Account hte G-talk zawn sha mai chat ai lam hpe tsun dan mayu ai. N dai Facebook Chat gaw G-talk ram connection lawan n ra ai kaw mai lang ai majaw a kyu nga na shadu ai. Grai wa mi yak hkak ai lam gaw n nga ai. Download galaw la na RUN da yang n pu na sumla ni zawn mu na ra ai.

Ra sharawng ai ni nga yang N DAI KAW>>>> mai garawt la ai hku re. Jinghpaw mung de nga ai manaw manang ni a matu gaw a kyu rawng na re ngu kam ai. Awng dang lam lu la u ga.   (jinghpawkasa kawn )

FACEBOOK KAW MAHKAWN BANG AI LADAT


Ndai lang gaw Facebook prat re majaw Facebook kaw mahkawn (mp3) bang ai ladat hpe tsun dan nna n ngai. Rai n chye shi ai manaw manang ni a matu rai u ga.
Madun da ai sumla ni kaw yu let hkan galaw mat wa ga, hpa yak hkak ai lam n nga ai.
Shawng nnan N DAI KAW shawng shang nna account hpe hpaw la ga.

NDAI KAW YAW


Account hpaw la ngut yang n dai zawn pru wa ai hpe mu na ra ai. Shawng nnan Audio nga kaw dip u, Ngut yang ntsa kaw na File nga kaw dip dat u.

File nga kaw dip dat yang, lawu na zawn pru wa na ra ai. Select a file on your computer nga kaw dip dat u, shaloi na a Computer kaw na nang ra ai mahkawn hpe mai lata la na ra ai. Nang ra ai mahkawn hpe mu jang Double Click di dat u. Shaloi shi chyu upload galaw mat wa na ra ai.
Upload galaw ngut yang lawu na sumla zawn sha pru wa na ra ai. Tinang a mahkawn upload ngut yang kalang lang List hkaw byin taw chye ai, shaloi Grid nga kaw dip dat u. Grid hpe dip dat yang mahkawn ni list hte n madun ai sha lamu na zawn kaba law rai madun wa na ra ai. Shaloi tinang bang da ai mahkawn hpe Click di dat u.


Upload galaw da ai mahkawn kaw dip dat yang lawu na sumla zawn madun wa na ra ai. Shaloi View nga kaw dip dat u.

View nga kaw dip dat ai shaloi tinang a mahakwn hpe mai madat sai hkru re.
Facebook de mahkawn hpe mara mayu yang, lawu na sumla kaw mu lu ai hte mare Link hpe Copy galaw la nna, tinang a Facebook (sh) manang wa Facebook (tinang mara mayu ai kaw) mai sa mara sai hku re. Facebook kaw mara nna na a (sh) manang wa a page hpe refresh (reload) galaw kau dat u, Shaloi nang mara da ai mahkawn hpe Player hte pru wa ai hpe mu lu na ra ai.

Mahkawng bang ai ladat gaw tsun dan ngut sai, Facebook kaw sumtsaw sumra mahkawn ni chyu hpring nre ai sha, Myu tsaw Mung tsaw mahkawn ni hpe mung mara ga. Myu Sha ni myit rawt ai baw yu ngwi mahkawn ni law law hpe tam mara sa wa ga. N chye na ai manaw manang ni nga yang C-Box kaw rai rai, comment kaw rai rai ka da ya marit. Chye na sanglang hkra bai tsun dan na n ngai.
NDAI KAW

Yawng awng dang ai lam lu la u ga,

Mut Tsawm
18/1/2012                    (jinghpawkasa kawn )

LAI KA YAN NGAI HPE COLOUR MASUM GAYAU LET 3D GALAW AI LADAT


Adobe Illustrator HPAJI HTE  LAIKA YAN NGAI HPE NSAM (colour) MASUM GAYAU LET SHACHYAW LA AI HPE GALAW MADUN DA GA AI .


NDAI Tutorial HPE TATUT GALAW MAYU YANG  LAWU KAW JAW DA AI LAI KA NGAU HPE BIP LET KABUGARA GALAW LA GA.

AKYU NRAWNG AI EMAIL NI TI NANG DE MATUT MAHKAI TSEP KAWP NMAI HKRA BLOCK KAU AI LADAT






  Gmail A Matu
1. Na account de shang da u
2.  Settings hpe bai bip
3. Filters bai bip
4. “Create a new filter“,hpe bip
5. Email From kaw yu nna nra sai akyu nrawng ai mail ni hpe lata bang u .sadi let galaw u yaw asung atang gaw ntsun sai .Domain galaw da ai mung mai ai yaw .
6.  Next Step hpe bip u, blocked emails ni hpe  select  galaw u ,  Delete galaw dat u  blocked email ni yawng trash  fail de du mat na ra ai . unblock galaw mayu yang , filter galaw da ai hpe shamat kau yang lu sai ,or Yahoo mail A Matu
1. Na account de shang da u 
2. Options hpe bai bip
3. MOptions bai bip
4. Hkra maga de  option Filters lata u   create (shing nrai) edit filters hpe bip u 
5.  Addhpe bip u
6.ngut na  screen kaw,  block mayu ai  email address hkrang lawu hta  filter mying jaw da tim mai ai .
 Move the message to: Trash ngut jang Save Changes
Hotmail  A Matu
1.Na account de shang da u 
2. Options hpe bip u
3. MOptions bai bip
4. Safe hpe bai bip Junk e-mail lawu kaw blocked senders linknga ga ai .
5. Blocked senders hpe bip u
6. blocked e-mail address lawu kaw nang nra ai  mail hpe bang  (shingnrai) domain field ndai mung mai ai .


akarphyoe A Post hpe htap htuk ai hku ga gale da ai rai ga ai tsaw ra ai manang ni e : )

Pyaw Let Rau Sha ,Cycle Sin Ap Nawng Shiga

                                            Shatapru Buga , Hpung lawk (2) kawa la ni hte ramma shadang sha ni hpe chyeju dum mayu ai lam 2010 ning kaw na 2012 ning May shata du hkra lagaw leng , cycle sin ai magam bungli hta shawang tsawra myit kaba hte madat mara let kang kang ka ka shang tsap lit la madi shadaw lawm ai kawa la ni hte ramma shadang sha ni yawng hpe tsun ndang hkra chyeju dum mayu ai law . Matut nna , kanang ka ai hte ap nawng mayu ai myit masin hte nawku hpawng ni hta shang lawm na hpe kam kaba let kahtap shatsam dat nngai .                                            (Lawk 2 , La Hpa-awn )

SHATAPRU HTA HKA KABA WA AI LAM NNGA SHI

(25.6.2012)Ndai gaw shatapru lawk (1) hkau na pa de du hkra hka kaba shang wa ai re .Raitim Shatapru a matu tsang ra ai lam gaw garai nngai shi ga ai .Shatapru Buga masha ni gaw mana tup nyup ai sha maja let nga ma ai rai tim hka gaw grau kaba jat wa ai lam nnga ai sha mani na daram sha nan nan naw rai nga ga ai .

STAR BOY (lahpai di naw shatapru )

Shadang sha ndai a shaga mying gaw lahpai hkun naw (di naw ) ngu ai re .shigaw shatapru lawk (1) kaw na rai nna ya yang gaw Malaysai mung dan KL Hartamas palaza Party house hta bungli shakut shaja nga ai shadang sha rai ga ai .Shihte hku hkau mai ai email gaw dinaw09@gmail.com kaw matut mahkai la mai ga ai ...sumla sa ya ai manaw manang hpe mung chye ju kaba sai . anhte shatapru bu ni gaw gara ga de ma du mat mat shada tut nawng hku hkau nga na matu ndai gawk hpe hpaw da ai rai ga ai ngam nga ai shatapru manaw manang ni mung ndai blog kaw ti  .nang a sum la hte bung li galaw nga ai shara ni mung shalawm ya let sa ya marit ngu saw lajin dat nngai law ..chye ju kaba sai .

Ramma Dap Nsen (Shatapru)

                           Karai Kasang a chyeju hte Ramma Dap ni kaw nna shaning tup na mahkyen hte maren chye lu na matu journal hti ginra mung galaw da ga ai . Ramma ni hpe hti shangun mayu ai laika buk ni , journal ni hpe Ramma Komiti hte matut mahkai nna alu jaw ya mai ga ai . Dai ni na Ramma ni, du na ten hta kaning re ai ni rai na ngu ai gaw Nu Wa ni a pawn ga ai lam hta she madung ai re majaw Ramma ni galaw ai lam shagu hpe hpaji haw , n-gun jaw pawn ba la ga ngu ga saw lajin dat ga ai law   lamang ni hpe langai hpang langai galaw nga ga ai . Ramma ni a matu hkum hkrang hkamja set let ai Ramma tai lu na matu (3 in 1 Play Ground )ngu ai ginsup pa kaba hpe galaw nga ding yang rai ga ai . Wenyi lam rai nga ai Karai amungga hte sak hkrung ai Ramma ni byin tai wa na matu mung Ramma Sunday school sharin ai lam , Chyum laika hpe dai ni na byin nga ai masa ni hte Ramma ni a matu mahtai tam ai hku nna hti hkaja ai lam hpe galaw nga ga ai . Dai ni hpa byin nga ai hpe                                                                                                                         ( Sara Ndawng Seng Du  Ramma & Computer Lit hkam )

Hkritstan Hpaji Dap Shiga (shatapru)

                       Karai Kasang a chyeju hte Hkristu a hkum hkrang rai nga ai Shatapru Buga hkalup hpung a Hkristan Hpaji Dap a magam bungli ni hpe lawu de na hte maren Komiti malawm ni yawng myit hkrum let jawm galaw la lu saga ai .                                                                                                                              2012 ning,ginhtawng ten hta junior sharin Hpawng hpe Feb,27-Marsh 3 du hkra Nawku jawng Kaba hte Hpung lawk (6) shara hta galaw la lu sai. Jinghpaw laili laika sharin ya ai lam hpe March 11-April 21 ya du hkra lawk shagu hta sharin ya lu sai .Junior Hogh Camp (dabang ) hpe April 17-29 ya du hkra (bat 2 ) tup Buga hpung Nawku jawng wang kata galaw la lu sai .English Grammar sharin ya ai lam hpe Maech -May shata du hkra shaning shagu dingyang galaw nga ga ai . Hpung jawng Sara tai sharin hpawng hpe May (14-19) du hkra galaw la lu sai .                                                                                                                   Matut nna mung galaw ra ai  magam bungli ni law law wa nga ga ai majaw Buga hpung masha Nu Wa yawng kabu gara matut shang lawm ga ngu Hkristu a magam hta saw lajin dat ga ai law ......                                                                                                            (Sara Tingba Gum Ja Hkristan Hpaji Dap Hpa-awn )

MAYAM NKAM TAI YANG ...


Bawngring komiti shamu shamawt lamang ni (shatapru)

    Nta tsi chya hpaji sharin ya nga yang (12.4.2012)
      Payan hpaji sharin ya nga yang (23.5.2012)
       Myiman mawn sumli hpaji sharin ya nga yang (21.5.2012)

SHATAPRU NI A MIWA GA HPUN DU SASANA

Lai sai , (3) ning hta galaw nga ai , Buga Hpung a Sasana magam bungli hpe dai ning 2012 ning kaw nna gaw ladat ningnan hte matut galaw nga ga ai . Shata masum hta Mugun langai sa nga nna woi awn na matu rai sai .No.(1) lang hku  nna Rev.Jangmaw Bawk Mai , sa du nga amu gun hpai nna bai du wa sai re .Anhte hpung masha ni mung alu ja gumhpraw jaw bang ai hku sha n-ga, akyu hpyi karum ,ta tut shang lawm shakut shaja sa wa ga law ....

SHATAPRU BUGA HPUNG HTA MAGAM GUN NNAN BAI JAT

SHATAPRU A NGUN ATSAM

             Dai ni anhte Buga Hpung kata yawn hkyen ai masha ni hpe manu shabrai nla ai sha tsawra myit san san hte htaw wa htaw sa ai lam a matu,kamhpa ging ai kahpu kawa ni woi awn let , shakut shaja karum hpang ai hpe chye lu ga ai . Ja gumhpraw, ngun atsam , aten ahkying ap nawng let shang tsap shakut nga ai kahpu kawa ni hpe yu nna grai ngun yu lu nngai. Ndai magam bungli hpe tut grin na matu akyu hpyi karum nga ga law . (shatapru)

SHATAPRU BUGA NSEN

(117) lanng na Myitkyina Ginwang kasha hpawng hta sa du shang lawm ai kasa ni ...(shatapru)

Sunday, June 24, 2012

YUP SENG ING - Ginra [Kachin Song]

Mani Hpa (subtitle).mp4

Chinese Music Hottest 37 --- Jingpo Girls(miwa ga hku )

ANHTE A SHATAPRU MANAU PA

Jinghpaw Buga (miwa hku)

Ruili ( Jinghpaw Buga )

Myit N-garan Ga

Zim Sha Hkam Sha MTV

STAR GIRL & STAR BOY


STAR GIRL & STAR BOY ndai gawk yen kaw gaw shatapru tsawm shayi tsawm shadang ni ti nang a sum la mara shangun mayu yang mara mai ai gawk lak san rai nga ga ai : )  sumla mara shangun mayu yang gaw ,ti nang a mying ,hting gaw mying ,asak ,nga shara lawk hte hpa ji madang ni hpe ka shalawm let youngbroken41@gmail.com de sa ya marit ngu saw shaga dat nngai law ...chyeju kaba sai . i hteng shatapru bu ni lam shagu hta kabreng ga shakyi ga i : )

COMPUTER SCREEN NA SUMLA NI HPE PHOTO DEM LA LADAT


Computer Screen n tsa na nga manga sumla ni hpe Photo hku nna dem la mayu ai a matu n dai Software mara dat ya n ngai. Photo sha n rai Video mung record mai galaw ai hku re. Ra ai rai yang gaw n pu kaw garawt la mu yaw. File size gaw 1.66MB sha re.
n dai kaw garawt n mai yawng Ifile kaw na bai garawt la mu.
Software hpe Rar file hte mara da ai re majaw garawt la ngut jang WinRAR hte bai yan la ra ai. Software hpe RUN n ra ai hku re. Portable file re majaw memory stick kaw mai bang lang ai hku re. Software hpe hpaw dat yang Green hte Red FSCapture nga ai kaw double click dip dat u. Shaloi lawu na sumla hte maren pru wan a ra ai.

Sumla hpe yu u
1. White Arrow sumla hpe click yang gaw Computer Screen kaw hpaw da ai Window box yawng hpe sumla dem ai re.
2. Yellow Arrow hpe dip yang gaw tinang ra ai Window Box hpe sumla dem la ai re.
3. Red Arrow hpe dip yang gaw Screen ntsa kaw na tinang ra ai shara hpe kam ai hku mai sumla mai dem la ai. ( n dai hpe malawng lang ma ai )
4. Blue Arrow hpe dip yang gaw Screen yawng hpe sumla dem la ai re.
5. Green Arrow hpe dip dat yang Firefox kaw hpaw da ai Blog Page ting hpe Scroll Bar hpe n gang ra ai sha htum hkra sumla dem ya ai re.
6. Purple Arrow hpe dip yang gaw Video Record galaw ai re. VZO/ Skype? Video Chat ni yawng hpe record mai rim da ai. N dai No. 6 hpe dip dat yang n pu na zawn pru wa na ra ai.
Tinang ra ai shara hpe she record galaw mayu yang Rectangular Area lata u. Record hpe dip nna tinang ra ai shara hpe lata u. Ngut yang Start hpe dip dat u.

7. Light Blue Arrow gaw tinang dem daai sumla ni hpe hpa baw file hte Save galaw da na ngu ai hpe lata ai re. To Editor hpe lata nna Save galaw dat u.
Yawng awng dang lam lu la u ga.
Mut Tsawm
27/5/2011

NA A GMAIL LAGU LA KATUT WA YANG



Dai ni na ten hta masha wa a Email ni hpe lagu ai lagut ni grai lawa nga sai. Masha wa a Email lagu nna Password ni yawng galai kau ya ai majaw Email madu kawn hpa n mai galaw mat ni byin chye nga ai. Dai lam hpe hparan lu na matu chye ai hte loi mi tsun dan na nngai.
Na a Gmail hpe masha ni lagu la kau ya nna na a Password, Security Questions, Secondary Email ni galai kau ya katut sai nga yang hpa baw matut galaw na law…? Rai tim hpa hkum tsang, Gmail kaw nna Na a matu Service langai jaw da ai hpe dum nga u.
Galaw na ladat gaw
Google kawn jaw da ai FORM hpe ka bang ra ai. Account nnan hpaw yang ka bang da ai gasan gahtai ni hpe bai ka bang ra nga ai. Bai nna Nang hpang jahtum na a mail hpaw ai n htoi, na a Account nnan hpaw ai n htoi, bai dai account hte nang lang nga ai Google hte seng ai Products ni a lam, Google Blog lang ai rai yang Blogger Account a kata lam ni, hpe matsing da ra nga ai.
A hkyak ai gaw san da ai ga san ni hpe mai byin ai daram jaw hkra htai ya ra ai lam re. Tinang malap mali rai mat tim pi byin mai ai daram bung hkra shakut na htai ya ra ai. Nang na Account bai lu n lu ngu ai gaw Nang htai ai ga san ni hta she hkan nga ai .
Matut nna sadi ra ai lam gaw nang Form sa yang KALANG SHA sa na matu sadi u (Form hpe grai law hkra n mai sa ai). Bai nna tinang law malawng lang ai jak (computer) kaw na sha form hpe sa u. Hpa majaw nga yang nang sa dat ai Form a IP Address hpe Google gaw matsing mat wa ai majaw re.
N dai Form hta lawm ai ga san ni gaw Na a Gmail Account hpe masha ni lagu la ai lam kaw nna makawp maga ya lu nga ai. Gara hku makawp maka ya a ta nga yang, ga san ni hpe hkaja la nna nang hte seng ai kata lam ni hpe shim ai shara (ga shadawn: Infofreakz nta) kaw mai zing da nga ai. Hpang kalang Na a Mail lagu la katut yang dai nang matsing da ai ni hpe ka bang nna bai mai lu la nga ai.
Form mara na matu hkring dat gaw
Yawng tinang a Mail ni hpe masha wa lagu ai lam kaw na makawp maka lawt lu muga.
Mut Tsawm
18/5/2011 (jinghpawkasa kawn )

TINANG A SITE HKAN MAHKAWN BANG LA AI LADAT


No (1)
Shawng nnan http://www.mixpod.com/ n dai kaw shang nna madu a account langai hpaw la u.

No (2)
Madu hpaw da ai account hpe Sign in hteshang nna Menu Bar kaw na Create Playlist kaw shang dat u.
No (3)
Sumla kaw madun da ai hte maren Add Music ---->; Search kaw na madu ra ai mahkawn ni hpe tam la u. Preview kaw Play (hpaw) chyam yu nna myit dik sai nga yang (+) kumla kaw dip dat u.
No (4)
Ngut sai nga yang Customize kaw dip n na madu ra ai Player hpe lata la u. Player n pu kaw na Edit Settings kaw madu ra ai hku mai lata, mai gram la ai.
No (5)
Galaw da ai ni hpe myit dik sai nga yang Save PlayList dip dat u. Gabaw hpe gaw madu ra ai hku n pun a Bos (3) kaw ka bang dat yang rai sai. Ngut sai nga yang Save(get code) nga hpe dip kau dat u.
No (6)
N dai sumla na zawn pru wa na ra ai. A hkyeng hte shinggrup da ai Code hpe Copy galaw la nna tinang tawn mayu ai madu a site kaw sa nna Paste sa galaw dat yang mai hku re.  (jinghpawkasa kawn)

BABYLON DICTIONARY


Ndai lang gaw manang ni a matu a kyu rawng na World's leading ngu ai mying lu ai mungkan hta kaja dik htum Dictionary hpe shachyen ya mayu ai.
Dai gaw............Babylon ngu ai re.
Yawng chye ai hte maren myu sha ga hpan 75 tup hte ga gale da ya ai. Ga si (word) langai hpe sha Oxford , longman , Wekipedia ,Dream ni hpe tinang ra ai Dictionary ni hte mai hpaw yu ai re.
Myen hku na mung lawm ai. Bai tinang ra ai (Language) ga hpan ni hpe mung naw mai jat bang la ai latest version re majaw ram ram hkum ai hpe mu mada ai. Pru ai mung gade n na shi ai nnan sha naw re.
N dai ni gaw shi a Features ni re.
Babylon Pro 9.0.1.5
Babylon features:
• Single Click activation
• Text translation - in 17 languages
• Results from the world's leading publishers
• Encyclopedias including Wikipedia content
• Translations in more than 75 languages
• Unit Conversions - Convert currencies, measurements and time
• Writing Tools for English
• Spelling Alternatives
N dai software hpe gaw n ra ai masha n nga na re ngu mu mada ai. Shawng de gaw ngai mung Trial hpe sha lang ai majaw nhtoi htum wa yang myit ru ra wa wa re ai. Ya gaw dai mahkang kaw na lawt sai hku re.
Kata kaw Patch file lawm ai. N dai kaw download galaw la dat u,
shi a origin kaw gaw myen hku n lawm ai.
Myen hku mai hku hkra galaw la ai ladat hpe ma tsun dan na na nngai.
1=file hpe run dat u
2 =Babylon setup hpe Run u
3=Run galaw yang Email hkringdat hpyi wa na ra ai , jaw dat u
4=file kaw Patch.exe nga ai lawm ai, dai kaw Babylon hpe Patch galaw u, galoi ma lang na matu re.
5=Padonma-English-myanmar Dictionary file hpe Run (Run n mai ai rai yang File n tsa kaw Right click dip nna Open with nga ai law Babylon toolbar hte Run)
6=Dictionary hpe u, ngut yang n tsa kaw Language tabs nga ai, Myen gaw other ngu ai mying hte rawng taw na ra ai.
Tinang hkaja ai Languages loi loi hte tam yu lu na matu Language Tabs bar kaw mara da u.
7=n dai yawng ngut yang gaw mai lang sai hku re.
( Myen hku hti mayu ai rai yang Myen laka si langai gayet nna Bar kaw na Other nga ai hpe dip dat yang Myen hku pru wan a ra ai.)
Yawng awng dang lam lu la u ga. (jinghpawkasa kawn)

HPAJI NINGLI HKAJA GA



Chance Favors The Prepared Mind

N dai ga hpe tsun ai wa gaw Franch myusha hpaji ning hkring Louise Pasteur ngu ai wa re. Shi a labau gaw myit lawm na zawn re ai. Pasteur gaw U loi, dumsu ni hta byin chye ai, kalang byin yang U loi dumsu ni mun lam shadang nna si chye ai shan gum din hpye ana mai tsi hpe hpan hpajang shapraw dat ya lu ai chye ju madu langai rai nga ai. Pasteur gaw U Loi dumsu tsi hpe hpajang shapraw dat ai sha n’ga gwi mana ana mai tsi hpe du hkra tam sawk lu wa ai wa re. Gwi mana ana hpe tsi ya na matu mungkan mungdan law law hta tsi rung law law hpe mung gaw gap wa ya ai wa re. Yangon kaw mung dai zawn tsi rung ni nga lai wa sai lam chye lu ai. Dai gwi mana ana mai tsi mu tam wa hkra shakut shaja wa ai hta shi a bawnu chyen mi si mat ai du hkra pu ba hkam wa ai wa re. Raitim shi a magam hpe n jahkring ai sha marai dat atsam jat nna machyi tsin yam hkrum nga ning len shakut shaja htuk shapraw wa ai wa rai nga ai. Pasteur gaw ma kaji langai hta byin ai gwi mana gawa ana hpe tsi na matu shata 3 jan n hkring nsa bungli galaw wa ai.


Kalang mi gwi mana langai mi a n gup kaw pyun shachyawp la nna hkum bai hpe shaw shapraw chyam ding lik ai du hkra atsam dat sawk tam lai wa ai. Grai nan lak lai ai masha re, lahta na shi tsun ai ga lashum “Chance Favors The Prepared Mind” nga ai hpe htuk manu ai hku tsun ga nga yang ahkaw ahkang ngu ai gaw myit masin shajin lajang da ai ni hpe shara jaw nga ai ngu tsun lu nga ai. Hpaji ning hkring Pasteur a lashum ga baw hpe shamyet nna anthe kasi la mai ai gaw anhte a prat hpe shakut shaja sa ai shaloi chye chyang ra ai hpaji, machye machyang hpaji ni lu la da hkra ahkaw ahkang lu ai shagu tam sum hting da ra nga ai. Hpa mi rai rai ra ang wa ai shaloi tinang galaw lu ai ahkaw ahkang pru wa ai ten hta bungli lu mai ai hte prat a matu myit simsa lu nga ai re.

Ngai a prat hta myit dum nga ai lam langai hpe tsun dan mayu ai moi ngai tsang 10 htai da na nga ai ten lani mi hta hkauna kaw Wa ngai hpe bosarpe shapre hkai shangun ai shaloi ngai tsun ai “Shapre n dai ni gaw ya an wa ni grai hkai shakut da tim si si wa ai shaloi gaw htaw sam ni joi mi lap 5,6 hte dut ai hpe mari sha pyi n dang ai, aten lahpawt, apyaw rai nga kau na malai hkai shangun ai” ngu tsun ai shaloi wa ngai hpe tsun ai gaw “Nang tsun ai ten ai, raitim nang a prat shawng lam hta ganing re masa lam kaw hkawm ang ra na n chye tsun ai, an n nu yan n wa chye ai hpaji sut gan yawng hpe sharin da ya ai re, tinang grau sharawng ai magam bungli hpe galaw lu nga ai ten hta rai tim n dai bungli ni gaw ngai galaw ga ai, chye galaw ai ngu ai madang hta tawn da ra ai” nga ai. Ga n dai gaw wa a sharin shaga wa ai manu dan dik ai ga re ngu hkap la lu n ngai.

Tinang kaw shajin da ai rai yang she ra ang wa ai shaloi akyu jashawn lu ai, jai lang lu ai masha ni tai lu nga ai. Ga shadawn tsun ga tinang gaw computer hpaji hpe n hkaja da ai, bungli shaga ai kaw gaw computer hpaji chye ra ai ngu saga. dai bungli lu na myit mada shara n nga ai. Ya daini na aten Maigan ga shaga chye hkra, mai gan mungdan de jawng lung lu hkra nga nna shajin lajang ya nga ai tindan ni, dinghku hte kan bau magam bungli shakut shaja galaw sha nga ai ni a matu prat dep ladat hpaji hte sharin ya ai rem lu rem sha lam, hkai lu hkai sha lam tindan wunkat ni law law wa nga nga ai. Dai ni hpe chye da, aung lakmat ni lu da rai yang she ahkaw ahkang hpe lu la nga ai. Kaga masha ni hta lai jan kung kyang ai hpaji madu lu yang she lai jan ai bungli ni lu la mai ai re. Machye machyang hpaji ngu ai asak kaji kaba n nga yawng hta hkaja sharin la chye yang she lu la ai re, mungdan lam, makam masham lam, shinggyim nga pra bawng ring sut su lam, shinggyim matut mahkai lam, hkamja nga pyaw lam yawng gaw n nga n mai ahkyak ai hpaji lam ni re.

Dai majaw masha shagu hta ram ging ai chye ging ai daram hpe hkaja la (shr) shajin da ra nga ai. N shajin da ai masha a matu ahkaw hkang hpe tek jum nlu ai majaw tat kau ra na rai nga ai.

Aten naw nga ai, gangwi ram ai ngu ai ga tsun chye ai masha ni a matu shajin da lu na aten hte tsang gang nga na re. Ahkaw hkang mung lai mat wa na re. Ahkaw ahkang ngu ai gaw chying hka akawk nga yang hpaw ya hkap la ra ai. Lahkawng, masum lang nsa chye ai. Dai ni galaw lu ai hpe hpawt ni hkum htawt ngu ai sharin ga hpe hkan shatup ai rai yang grai kaja nga ai. Galu kaba mayu ai law nga nna, n gup kaw tsun taw, magam gaw nlawm, bungli hpe rai yang shani htawt shana htawt rai nga ai masha ni a matu galu kaba na n mai byin nga ai. Mungkan hta kaman li la lu la ai ngu ai n nga ai daram re. Dai zawn lu la nga ai ma raitim jahkring sha rai na re. Shajin da ai, shakut shaja ai lam sha galoi shagu awng dang lam lu ai re majaw tinang maga de na shajin sharin da ga! Ahkaw ahkang kaja ni lu wa na re, ang katut hkrum wa ai ahkaw ahkang hta shajin da ai masha gaw akyu hkam sha na teng sha rai nga ai law.

Myit Tsawm Pan (Manmaw) (jinghpawkasa kawn )

အင္တာနက္ေပၚက ပညာဒါန


Open Course Ware ဆိုတာဘာလဲ။

‘အိုးပင္းကို႔စ္၀ဲ’ ဆိုသည္မွာ ကမာၻအရပ္ရပ္ရွိ တကၠသိုလ္မ်ားတြင္ သင္ၾကားလ်က္ရွိေသာ သင္တန္းမ်ားကို အင္တာနက္မွတဆင့္ အခမဲ့ ျဖန္႔ျဖဴးေပးေသာေနရာ ျဖစ္သည္။ ဤေဆာင္းပါးကို ေရးသားခ်ိန္တြင္ ႏိုင္ငံေပါင္း ၃၀ မွ တကၠသိုလ္ ႏွင့္ အဖြဲ႔အစည္းေပါင္း ၂၀၀ ေက်ာ္တို႔က ကမာၻအရပ္ရပ္ရွိ ျပည္သူတို႔အား အဆင့္ျမင့္ ပညာရပ္မ်ား ေ၀မွ်ေပးႏိုင္ရန္ ရည္ရြယ္ၿပီး ပညာဒါနျပဳလ်က္ရွိသည္။

ဘယ္တကၠသိုလ္ေတြပါလဲ။

ပညာဒါနျပဳရာတြင္ ပါ၀င္ေသာ စာရႈသူတို႔ႏွင့္ ရင္းႏွီးၿပီးျဖစ္မည့္ တကၠသိုလ္ အခ်ိဳ႕မွာ -

ဘယ္လိုသင္ၾကားေပးတာလဲ။

ပညာဒါနျပဳရာတြင္ ပါ၀င္ေသာ တကၠသိုလ္မ်ားက ၄င္းတို႔၏ တကၠသိုလ္မ်ား၌ အခေၾကးေငြယူကာ သင္ၾကားေနေသာ ဘာသာရပ္မ်ားထဲမွ အနည္းဆံုး ၁၀ ခုကို ေရြးခ်ယ္ၿပီး အင္တာနက္ေပၚတြင္ တင္ေပးထားရသည္။ ထိုသို႔တင္ရာတြင္ သင္ရိုးညႊန္းတမ္း၊ မွတ္စု၊ ရည္ညႊန္းစာအုပ္ ႏွင့္ စာတမ္းမ်ား စာရင္း၊ ပါ၀ါပြိဳင့္ဆလိုဒ္မ်ား၊ ဆရာမ်ား၏ တိုက္ရိုက္ပို႔ခ်ခ်က္ အသံ ႏွင့္ ဗီဒီယိုဖိုင္မ်ား စသည္တို႔ ပါ၀င္သည္။ မည္သူမဆို ထို သင္-ေထာက္-ကူ ဖိုင္မ်ားကို အခမဲ့ ရယူသံုးစြဲ၍ မိမိဖာသာ ေလ့လာရမည္ျဖစ္သည္။

မွတ္ပံုတင္ စာရင္းသြင္းရန္ လိုအပ္ပါသလား။

လံုး၀မလိုအပ္ပါ။ မည္သူမဆို အသံုးျပဳႏိုင္ပါသည္။

ဘယ္လိုဘာသာရပ္မ်ား ပါ၀င္ပါသလဲ။

စီးပြားေရး၊ ႏိုင္ငံေရး၊ ဘာသာေရး၊ ပညာေရး၊ လူမႈေရး၊ စက္မႈ၊ ကြန္ျပဴတာ၊ က်န္းမာေရး စသျဖင့္ အမ်ိဳးအစား စံုလင္စြာပါရွိသည္။ တကၠသိုလ္မ်ားက မိမိတို႔ ကြ်မ္းက်င္ရာ ဘာသာရပ္မ်ားကို တင္ထားေပးတတ္သည္။ စာကိုး စာရင္းပါ ၀က္ဆိုဒ္ လင့္မ်ားမွတဆင့္ သြားေရာက္ ေလ့လာ ရွာေဖြႏိုင္သည္။

အင္တာနက္ လိုအပ္ပါသလား

လိုအပ္ပါသည္။ အသံ ႏွင့္ ဗီဒီယို ဖိုင္မ်ားကို တိုက္ရိုက္ ဖြင့္ရန္အတြက္မူ အင္တာနက္ ျမန္ႏႈန္းျမင့္ရန္ လိုအပ္သည္။ သို႔ရာတြင္ မွတ္စုမ်ား၊ ပါ၀ါပြိဳင့္ ဆလိုဒ္မ်ား၊ အသံ ႏွင့္ ဗီဒီယို ဖိုင္မ်ားကို ေဒါင္းလုပ္ လုပ္ထားပါက အင္တာနက္ မရွိေသာ္လည္း ကြန္ျပဴတာတြင္ ဖြင့္ၿပီး ေလ့လာႏိုင္သည္။

ဘာေၾကာင့္ အလကားေပးတာလဲ။

မက္ဆာခ်ဴးဆက္ စက္မႈတကၠသိုလ္က စတင္ကာ ‘မည္သူမဆို အဆင့္ျမင့္ပညာ သင္ၾကားႏိုင္ခြင့္ ရရွိေရး’ ဆိုတဲ့ ရည္ရြယ္ခ်က္ေကာင္းနဲ႔ ေဆာင္ရြက္တာျဖစ္ပါတယ္။ ေနာက္ပိုင္းမွာ တျခား တကၠသိုလ္ေတြလည္း ပါ၀င္လာၿပီး ဒီစီမံခ်က္ကို ေငြေၾကးေထာက္ပံ့တဲ့ အဖြဲ႔အစည္းေတြပါ ေပၚလာပါတယ္။ ဒါေၾကာင့္ ဆက္လက္ၿပီး ပညာဒါန ေပးေနႏိုင္တာပါ။ သင္လည္း အလွဴေငြ ထည့္၀င္ခ်င္ရင္ ထည့္၀င္လို႔ ရပါတယ္။

အလကားေပးတာဆိုေတာ့ အရည္အေသြး ေကာင္းပါ့မလား။

စာေရးသူ၏ ကိုယ္ေတြ႔အရ ဆိုလွ်င္ အခေၾကးေငြယူ သင္ေပးေသာ သင္တန္းမ်ားတြင္ အသံုးျပဳသည့္ သင္ရိုးညႊန္းတမ္း၊ ဆလိုဒ္၊ မွတ္စုမ်ား အတိုင္း ‘အိုးပင္းကို႔စ္၀ဲ’ တြင္ တင္ေပးထားေၾကာင္း ေတြ႔ရသည္။ အခ်ိဳ႕တကၠသိုလ္မ်ား (ဥပမာ - ကာလီဖိုးနီးယား တကၠသိုလ္ - ဘာကေလ) တြင္ အခေၾကးေငြယူ သင္ေပးေသာ သင္တန္း လက္ခ်ာမ်ားကို ဗီဒီယို ရိုက္ကာ တင္ေပးထားသျဖင့္ အတန္းထဲတြင္ သြားကာ တက္ေနရသကဲ့သို႔ပင္ ရွိသည္။

ဒါဆို ဘာလို႔ ေက်ာင္းလခေပး တက္ေနေတာ့မလဲ။

အင္မတန္ ေမးသင့္တဲ့ ေမးခြန္းပါ။ ေက်ာင္းလခေပး တက္တာနဲ႔ ကြာျခားတာေလးေတြေတာ့ ရွိပါတယ္။ ေက်ာင္းလခေပး တက္ရင္ မရွင္းလင္းသည္မ်ား ရွိပါက ဆရာ၊ ဆရာမေတြကို တိုက္ရိုက္ ေမးျမန္းႏိုင္ပါတယ္။ ‘အိုပင္းကို႔စ္၀ဲ’ မွာေတာ့ ဘယ္သူကမွ လာၿပီး ရွင္းျပေနမွာ မဟုတ္ပါ။ မိမိဖာသာ နားလည္ေအာင္ ဖတ္ရႈေလ့လာရပါမယ္။ ကိုယ္ထူကိုယ္ထ ဆိုပါေတာ့။

ေနာက္တစ္ခ်က္ ကြာျခားတာက ‘အိုပင္းကို႔စ္၀ဲ’ မွာ ေလ့လာၿပီးသြားလို႔ ဆိုၿပီး အဆိုပါ တကၠသိုလ္ကို ဘြဲ႔၊ ေအာင္လက္မွတ္ေပးဖို႔ သြားေတာင္းလို႔ မရပါ။ ဥပမာ - မိမိက အမ္အိုင္တီက ဘာသာရပ္တစ္ခုကို ‘အိုပင္းကို႔စ္၀ဲ’ မွာေလ့လာၿပီးသြားတာနဲ႔ မိမိကို အမ္အိုင္တီက အသိအမွတ္ျပဳလိုက္ၿပီ လို႔ သြားေျပာလို႔ မရပါ။

အသိအမွတ္ျပဳလည္း မခံရ၊ ဘြဲ႔လည္း မရ၊ ေအာင္လက္မွတ္လည္း မရဆိုေတာ့ ဘာလို႔ ေလ့လာေနမလဲ။

ဒါလည္း ျဖစ္တာပါပဲ။ ဘာမွ မေလ့လာပဲ ေအးေအးေဆးေဆး ႏွပ္ေနလည္း ဘယ္သူက ဘာေျပာမွာလိုက္လို႔။ သုိ႔ေသာ္ ... အသိအမွတ္ျပဳ မခံရေပမယ့္ ပညာရပ္ ဆိုင္ရာ ဗဟုသုတ တိုးတက္ပါတယ္။ မိမိရဲ႕ ပညာဗဟုသုတ တိုးတက္ေရးအတြက္ ႀကိဳးစားလိုစိတ္ရွိသူေတြ၊ ႏိုင္ငံျခားထြက္ ပညာသင္ဖို႔ရာ အခက္အခဲ ရွိေနသူေတြ အတြက္ အဆင့္ျမင့္ ပညာေရး အလွမ္းမေ၀းေၾကာင္း လက္တို႔လုိက္ရျခင္းသာ ျဖစ္ပါတယ္။

ျမန္မာႏိုင္ငံမွာ ရွိသူေတြ အေနနဲ႔ ‘အိုပင္းကို႔စ္၀ဲ’ ကတဆင့္ ေလ့လာရာမွာ ဘာအခက္အခဲေတြ ရွိႏိုင္သလဲ။

အဂၤလိပ္စာ၊ ကြန္ျပဴတာ၊ အင္တာနက္ အသံုးျပဳတတ္ဖို႔ နဲ႔ အင္တာနက္ျမန္ႏႈန္းျမင့္ဖို႔ လိုပါတယ္။ အဲဒါေတြထက္ အေရးႀကီးတာက အခ်ိန္မွန္ ေလ့လာသြားဖို႔ပါ။ ကိုယ့္ကို ဘယ္သူကမွ ႀကီးၾကပ္ေနတာ မဟုတ္လို႔ ေပါ့ေပါ့ေလွ်ာ့ေလွ်ာ့နဲ႔ ေလ့လာခ်င္တဲ့ အခ်ိန္ ေလ့လာ၊ ပစ္ထားခ်င္တဲ့ အခ်ိန္ ပစ္ထားလိုက္ဆိုရင္ေတာ့ သိပ္မထူးပါ။ ေနာက္ထပ္ ရွိႏိုင္တဲ့ အခက္အခဲ တစ္ခုက ရည္ညႊန္းစာအုပ္၊ စာတမ္းမ်ား ရရွိႏိုင္ေရးပါ။ ဒါကေတာ့ ဘာသာရပ္ေပၚမူတည္ၿပီး ျမန္မာျပည္က စာၾကည့္တိုက္ေတြမွာ ျဖစ္ျဖစ္ အင္တာနက္မွာ ျဖစ္ျဖစ္ ရွာေဖြ ရႏိုင္ပါတယ္။ ႏိုင္ငံျခား တကၠသိုလ္ေတြမွာ တက္ေရာက္ေနတဲ့ အသိမိတ္ေဆြေတြရွိရင္ သူတို႔ကတဆင့္လည္း ရွာေဖြႏိုင္ပါတယ္။

မူပိုင္ခြင့္ကို ဘယ္လို သတ္မွတ္ထားပါသလဲ။

အင္တာနက္ေပၚ တင္ေပးထားေသာ ‘အိုးပင္းကို႔စ္၀ဲ’ ဆိုင္ရာ ဖိုင္မ်ားႏွင့္ ပတ္သက္သည့္ မူပိုင္ခြင့္ကို တကၠသိုလ္ တစ္ခုခ်င္းစီက ရွင္းလင္းစြာ ေဖာ္ျပထားသည္။ အနိမ့္ဆံုး ေအာက္ထစ္အားျဖင့္ ထိုဖိုင္မ်ားကို အခမဲ့ ျပန္လည္ ျဖန္႔ျဖဴးခြင့္ရွိသည္။ ထိုသုိ႔ ျဖန္႔ျဖဴးရာတြင္ မူရင္းဖိုင္ကို မည္သည့္ေနရာမွ ရရွိသည္ဟု အတိအက် ေဖာ္ျပရန္လိုအပ္သည္။ နဂို မူလဖိုင္မ်ားကို ျပင္ဆင္ခြင့္မရွိ။ အခ်ိဳ႕ တကၠသိုလ္မ်ားကမူ ျပင္ဆင္ခြင့္ ေပးသည္။ သို႔ေသာ္ မိမိ ျပင္ဆင္ၿပီးေသာ ဖိုင္မ်ားကို ဆက္လက္၍ အခမဲ့ ျဖန္႔ျဖဴးေပးရမည္ ျဖစ္သည္။                            (jinghpawkasa kawn)

BAREN SHINGMA KAW NA MANAU SHADUNG A LAM


Ndai lam hte seng nna Jinghpaw Kasa kaw, Bum Kaw Yeng, Duwa Bawm Wang Ja Yaw, hte Sarama kaba Nhpan Ja Ra ni ka ai hpe grai madi shadaw nngai. Baren shingma kaw Manau shadung jung nna manau ka manau ai gaw Wunpawng htung hking n re. Manu ndaw dan lu ai Wunpawng htunghking hpe jahten kau ai sha re. Laiza mare, N ba Pa mare hkan dai hku galaw ai nga shi ga na lu nna grai mau ai. Amyu hpe tsawra pu sin machyi nna nhtoi shang hkawng woi gali, mayu ai ni yawng - Baren sum la hpe sumdu hte adup agrawp kau nna akyu hpyi yeng seng Karai Kasang kaw mara tawng ban nna Manau shadung hpe sha shagreng da yang mai na re.

Hpa ma jaw nga yang - moi na Jiwoi, Jiwa prat kaw nna Baren numraw hpe nkaja ai satan nat hku nna matsat ai re. Miwa myu ni sha Baren hpe shareng ai re. Anhte miwa n rai ga ai. Miwa a majaw malizup Tanghpre de nga yak sai, Mungdan ting mai lung kran nna krin ai hpe nmai malap ai. Ji nat nga tim shinggyim masha ni hpe garum ai hpe gaw, Gum gun gumhpai nat ngu jaw jau ai re. Maran Du ni nat gaw * Ning Yan Naw re majan hta shi hpe shagreng ai re. Baren hpe gaw hpa rai satan nat hku matsat a ni? nga yang -shi gaw satan re majaw shi hkum hpe shabrang kasha tai nna nla dap de sa nna mahkawn ma ni hpe, mawng shapraw la nna nam de du jang sha kau ai da, raitim nam e Kumba nhpang du jang Baren atsam mat mat jang num kasha ni je la mi nga jang sa hkye la ma ai da. Dai majaw num hkungran ai shaloi Baren satan sama katsut na matu kumba nhpang galaw da ai kaw lai ai re. Dai majaw moi gaw hkung ran sai nga tim kumba num re ni? she nga ai re. Baren hpe satan nat hku she Jiwa ni mu ai re.

Moi na Wunpawng htunghking hta gaw Du ni tim madai nat lu ra ai. Moi gaw, Sut su mayu yang, mayat maya mayu ymg, majan dang mayu yang, htingram mayu yang - madai nat hpe shagreng nna manau dum ai re. Madai nat mung gum gun hpa re. Satan n re. Manau shadung mung Wunpawngsha ni a htunghking majing re. Manau shadung maka lam ni grai naw nga ai. Dai gaw hpang de ra jang she ka sana re. Moi na Jiwoi jiwa prat Wunpawng labau hta manau nau ai shaloi, Baren labau lam lawm ai nna yu ga ai.

Ya ten grai ahkyak ai shara hkan Baren shingma hta manau shadung jung nna manau ka ai nga gaw grai yawn hpa re. Anhte ga baw gaw, "Anhte Aung Padang Yehowa Karai Kasang" ngu da nna, satan Baren hpe shagreng ai hku rai yang grai yawn hpa rai na re. Ya anhte ni majan hta awngdang ai gaw Baren garum nna n re. Yehowa Karai Kasang anhte hpang n tsap yang, lani mi pyi hkam na n re dum nga ga law. Chyum laika labau hta- King Saul- Karai Kasang ga n madat, King David- U-riah madu jan Bathsheba hpe kashun la. King Solomon - madu jan ni naw ai bala hpara naw lawm Karai Kasang n ra dik ai mu galaw, Karai Kasang kabai kau jang lam makau na lungdin sha tai mat ai hpe adum nga ga law.

Moi, Madai nat hpe shagreng manau nau tim 1977 jaw masat kaw nna gaw Christan manau ngu dai ni du hkra manau ai re. Karai Kasang kaw majai da sai Christan manau shadung hpe Wunpawng htung mung n re ai Baren shing ma kaw manau shadung jung nna ka manau ai gaw marai (1,2) hte sha bawng nna galaw da ai gaw shut kaba rai nga ai law.

Mung masha ni a shangun ma,
Duwa Maran Zau Aung
USA. (jinghpawkasa kawn )

BAREN DINGHKUNG NTSA NA MANAU SHADUNG (V)


Jinghpaw Wunpawng sha ni a Htunghking Manau Shadung hpe baren shingma ntsa e jung nna galaw ai lam gaw, labau n nga ai maka kumla rai nga ai. Baren ngu ai gaw Miwa ni a htunghking hta she nga ai. Jinghpaw Wunpawng sha ni hpe sinpraw maga na baren numraw kaba gumtsawn sa nna agrawp mayu sha kau ai lamik kumla hpe shapraw ai kumla tai wa sai. Dai zawn htunghking manau shadung hpe baren numraw hta sharawt jung da ai mu yang, mungchying shawa yawng myit kaji garen yawn madai hkrum sha nga ga ai.

Baren lapu ngu ai hpe moi na jiwa ni gaw, ‘na’ ai hku sawn la ai. Yawn hkyen tsu lamang hta she lang ai. Dai lachyum n sagawn yu ai sha; chye chyang ai myitsu ni kaw n san yu ai sha, myi di chyip marai langai lahkawng a myit shadang nna galaw ai gaw, amyu sha ting hpe awu asin jashawn ai lam ang wa sai. Hpa n chye ai ni chyawm gaw, jaw ai she shadu kau na ma ai.

Jinghpaw Wunpawng sha ni a ningpawt ninghpang Uma ga rai nga ai Mali Hkrang Walawng ga hta gaw, moi shawng de Mahtum Mahta ni jaw dat ai sharung kungdawn nga wuloi ngu ai “Nga Shaga” ga chye shaga ai wuloi “Wuhpaw nga” hpe Hkasha Uma ni nga ai Nbuhkang Tingrawng Ga e ju sha sai. Dai Nga Shaga Rung hpe, daini du hkra Hkasha ni a sutdek hta kyem rem da nga ai rai nna, dai Nga Shaga Rung hta Manau Shadung maka nan kap taw nga ai re. Anhte a htunghking npawt, Manau Shadung maka ningpawt gaw, Dai Nga Shaga Rung hta kap ai maka she re. Dai maka hta baren n lawm ai.

Ya ten hta anhte a buga mungdan kata e n ngwi n pyaw byin nga ai lam chye ninglen, lamik n htuk n tsawm n kaja ai kumla maka madun nna, anhte a Sut Mungdan hpe baren numraw kaba e agrawp mayu sha na hku kumla shapraw ai. Anhte a mungdan kata na sut rai nhprang mahkra atsai awai shaw la kau ya ai. Hka nu hka gam hpe madim kaba pat nna amyu ting hpe sa-ap kau na maw mawn shangun ai. Baren n-gup mahka tawn ai hta, anhte yawng hpe mayu ma-ut kau na kumla madun ai. Maka n kap ai lai shapraw nna, tinang mying pru arawng lu na lam; sumbu bawng na lam, mayun kumhpa sake manawn sha lu na lam gyam ai sha rai nga ai. Hka shawn hka hku de tinang a maza tsing bang ai hte bung mat sai.

Dai re majaw, lamik n htuk ai lailen gaw, galaw kau sai hpe mung bai sharai, len la nna galaw jat na maw mawn nga ai ni mung bai shabai; htawm hpang kadai mung n shut lu hkra shadum jashai, hkan sa shut kau ai ni mung myit malai; amyu sha ni shawng lam galu kaba na de n-gun awai la saga, ngu Jinghpaw Mung Uma, Mali Hkrang Walawng ginra na yu hkrat wa ai Jiwoi masa, Shadung maka, numhtet numra, ndau shana dat ga ai law.

Duwa Bawmwang Ja Yaw
JHG Ningbaw, Myitkyina
10/4/2012 (jinghpawkasa kawn )

BAREN DINGHKUNG NTSA NA MANAU SHADUNG (DAW IV)


1. Mungkan hta yawng a shawng e sinpraw ajan shawng mu mada ai Japan mungdan; dai mungdan de du nga ai Chyurum Jinghpaw Wunpawng sha ni; mai hkam kaja let, myit mang ai lam shagu awngdang lu myit ga; tut e myit dum kyu hpyi karum nga ga ai yaw....... htet dat ai..........!

2. Japan mungdan kaw na rai nhten! “Zet Let” ngu ai wa gaw, ngai Nhpan Ja Ra hpang de Online Comments ka dat ai hpe mu lu ai majaw mung, alak mi chyeju dum ai hte hpawn htang shana ai lam rai li ai law......kabu dik sai..........!

3. Chyurum Jinghpaw Wunpawng sha shagu gaw, gara mungdan kaw mi du nga ai rai tim malap kau n mai, tut e dum shai, kraw dung salum, makyit sumri ngang ngang kang kang gyit hkang let, myit hkrum ginjup shabawn ninghtan ai hta, n-gun atsam marai ningja, myit su myit gawp ai kumla hpe chyu sha sakse madun nga ga i?...... n-gun jaw ai.......!

4. Tinang du hkawm nga pra mat wa ai shinggyim labau ginru ginsa hkrun lam ntsa hta hpa baw magam shachyen shaja ai rai tim, tinang a rudi buga, amyu mungdan sha ni a labau hkringhtawng hpe shayuk jahpoi, shagrit shaprai, jahten shabyak, shanut shamat, sari jahkrat ai baw magam kadai mung n galaw hkrup na sadi koi gam ga lu oi!.......... htet dat ai.........!

5. Nang hpe Yehowa Karai Kasang jaw da ya sai:—(a) machye machyang (b) atsam marai (c) ahkying aten (d) makau grupyin, shinggyim wuhpung wuhpawng (e) Buga ginra, hkringdat shara; ndai lam ni mahkra gaw, tinang amyu, kanu kawa, kaji kawoi, amyu sha yawng hte kraw lawang mahkri shawn let, dum shai shakut shaja nga na ma ai ngu kam nga ga ai lu yaw......shatsam jat ai........!
6. Japan mungdan du Jinghpaw Wunpawng myu ni mung Htunghking Manau dum na re lam na chye lu ai majaw, kabu arawng la dik nngai. Manau dum na rai yang, baren lapu, Satan nat, Anti-Christ hpe jai lang shagrau sha-a aw law garu ai lam tsep kaw n mai galaw na ga ai lu yaw........sadi jaw ai.......!

7. Karai Kasang Yehowa a man hta awu asin, matsat shabat, n hpru n mai, n tsawm n htap re ai Ba-la sumla jai lang ai lam gaw, yubak dingnye kaba lu wa na ga ai re lu!........shadum dat ai.......!

8. Jiwa ni a labau hkringhtawng, ginru ginsa lagaw hkang hpe shaprai shamat shanut jahkrat kau ai zawn re ai lam ni n galaw hkrup na hpe she kam ga ai lu yaw.......kam dik sai.........!

9. Gara mungdan e du nga ai Chyurum Jinghpaw Wunpawng sha ni mi rai tim, Manau Shadung kasi gaw, Myitkyina-Shatapru na Manau Shadung hpe kasi yu la mai nga sai. Ginsa masa sat lawat sumhpa hta hkan nna Manau Shadung hpe loi ai tsang ai hku galaw na rai yang, America-Florida Manau Shadung hpe kasi yu la mai nga mali ai........madi madun ai........!

10. Chyurum Jinghpaw Wunpawng sha ni yawng galu kaba gumring gumrat law htam mayat wa u ga. Japan mungdan du nga ai Jinghpaw Wunpawng amyu sha ni hte hpawn mungkan ting mungdan shara shagu du hkawm nga pra shajang ai Chyurum Jinghpaw Wunpawng sha ni yawng, awng padang ninglaw hkam la lu u ga law.......kyuhpyi ai..............!

“ANHTE A AWNG PADANG, YEHOWA KARAI KASANG” rai nga mali ai law…………….Amen.

Nhpan Ja Ra
10/4/2012 (jinghpawkasa kawn )

BAREN DINGHKUNG NTSA NA MANAU SHADUNG (DAW II)


Mungkan ntsa shanu nga pra ai shinggyim myu baw sumhpa hta, Jinghpaw Wunpawng myu sha ni chyu sha “Manau” ngu ai htunghking hpe lu nga nna, dai manau nan, mungkan ting hta hkik hkam laklai dik ai htunghking langai rai nga ai. Manau htunghking majun hte maren nga yang, “Manau” ngu ai gaw, moi prat na jiwa ni Lamu Madai hpe jaw jau ai lailen kaw na byin tai hpang wa sai. “Majun” ngu ai chyawm gaw, htunghking langai ngai byin tai hpang ai laksan npawt mabyin gindai hte, dai hpe matut n di tsun hkai ginlen kyem hkrat wa ai labau rai nga ai. Majun n nga ai lam mahkra mung, kaman li la sha rai nga ai.

Daini anhte Jinghpaw Wunpawng sha ni hkan sa nga ai Manau Htunghking mung, shi a majun hpe n hkan jang, sawt ai htunghking, kam mara htai lai mai ai htunghking, loi hkring shamat kau chye ai htunghking byin mat na hpe tsang ra ga ai. Grau nna gaw, lai sai mali manga ning daram kaw nna, moi na jiwa ni a Manau Htunghking Majun hta n rawng ai hku nna, Manau Shadung hpe baren shingma (dinghkung) ntsa e jung ai lai len mi galaw pru wa ai hpe mu lu ai.
Baren ngu ai gaw lapu kaba rai nga ai. Moi prat na Jinat htung hku mi rai rai, daini na Hkristan makam masham hku mi rai rai; “Lapu baren” ngu ai gaw, n kaja ai kumla, nhtan shai ai kumla, sharu shatsang ai kumla, tsinyam tsindam kumla, si hkrung si htan kumla she rai nga ai. Moi na jiwa ni a jinat htung lailen hta, lapu baren sumla hpe lawu na hte maren lachyum shapraw nna akyu jashawn lai wa sai lam chye lu ai.

1. Moi nat jaw prat na Jinghpaw ni gaw, masha si ai shaloi “Munghkreng mungkawng” ngu ai lamang hta sha baren maka ka lang ma ai. Si ai wa hte seng ai katsan ga na nat lamang maka rai nga ai.

2. Nat jaw prat hta masha si yang, kanghpoi hpoi ai ngu ai lamang nga ai. Dai gaw kabung dum ai zawn, masha wunawng mi nhku kata yan singgaw nna, woi awn ai wa tsun ai ga hkan tsun ai. Kanghpoi ningbaw wa lang ai sumdoi hta, baren sumla langai hpe mung kapyawn nna jum shalawm tawn ai. Shanhte gaw, si ai wa a hkrungnang minla ngu ai hpe hkan tam ai. Dai minla hpe nat satan e rim magra tawn ai, ngu ai hku kam ma ai. Shing rai nat satan a lata na si ai wa a hkrungnang minla hpe mu tam jang, baren sumla hte galai la ai lam galaw ai. Dai hpe “Bawnghkrang ai” nga ma ai. Bawnghkrang la lu jang she, si ai wa a wenyi minla hpe likpan ga (Sumsing htingnu) ngu ai de tsu shawawn ai lam galaw ai.

3. Dai zawn lapu baren sumla gaw nat jaw prat hta mung, si ai lam, na ai lam, yawnhkyen lam ni hta she lang ma ai. Pyaw kabu awng padang ninglaw lam, galu kaba lam ni hta n lang ai.

4. Laiza hte Nbapa e galaw da ai manau shadung yan gaw, mungshawa du salang hte n jahkrum yu ai sha, marai langai lahkawng a chyoi n shang ai lai hte baren shingma ntsa hta gaw sharawt da ai majaw, myitsu hkra lep kawng hkyeng sai ni grai tsun garu ai lam nga ai.

5. Ya hpang e bai gaw sharawt na maw mawn ai manau shadung ni nga yang mung, dai zawn n galaw hkrup na hpe ja ja shadum dat ai. Langai lahkawng a majaw shut kau ai lam gaw, law law hta machyi hkrum wa chye ai. Yubak dingnye hkrum sha chye ai hpe dum ra ga ai.

Dai re majaw shawa hte seng ai, amyu ting hte seng ai, aloi ali shaprai n mai ai bungli kaba, amu kaba galaw na rai shagu, atsawm bawngban yu nna, maihkrau maidau, htingyu htinglun myit shakup shatsup nna she galaw mai nga ai ngu ga kumhpa garan kachyan dat nngai.

Duwa Bawmwang Ja Yaw
Shatapru, Myitkyina
8 - 4 - 2012                    (jinghpawkasa kawn )