Mayam nkam tai yang ( 2)

                         Mayam prat ngu ai  dip up roi rip ai lam kaw nna lawt pru lu na matu gaw atsam marai , aten ahkying , ja gumhpraw, salu salat ni hkrat nna myit hkrum mang rum shakut shaja ai rai yang chyu sha lawt lu na rai nga ai .                                                                                                                                                "Daini na ramma, hpawt ni na ningbaw ningla " nga ai ga malai hte maren , ningbaw ningla kaja lu na matu hte lam shagu hta kungkyang ai ramma ni tai na matu dai ni ahkyak nga sai . Ningbaw ningla kaja lu yang anhte mungchying shawa mung ngwi pyaw simsa na rai nga ai .Dai majaw ningbaw ningla kaja lu na matu anhte shangai chyinghkai ai kashu kasha ni hkum ting dek manu dan ai ni tai hkra , ya dai ni shan hte a sharin jahpat ai lam hta arang bang na ra ga ai . Ma ni hta aten ahkying, jagumhpraw ,machye machyang arang law law bang ai rai yang ,ti nang amyu hpe tsaw ra ai ni ,tinang lamu ga hpe manu shadan ai ni , hkamja zet let kung kyang ai ni , hpaji byen-ya hta hkum tsup ai ni ,Karai Kasang hpe hkrit hkung ga ai ram ma ni tai wa na rai nga ai . Dai hta nga mayam prat na mung alawan sha lawt lu na mahkrun langai rai nga ai .                                                                                                                                                                 Dai majaw , kamhpa ging ai , lam shagu hta kungkyang ai ramma byin tai lu na matu gaw, makaji aten kaw nna ahkyak la let npawt gawshangang ra nga ai . Arang bang ai lam ningra ai rai yang gaw ,lawt pru lu na lam hte naw tsan nga na re . Dai majaw mayam prat na lawt lu na matu gaw ma kaji ni hta mai kaja ai arang law law bang ga law .                 .                                                                                                                               La-awn Seng Raw(stu)